外判了的責任

前陣子在朋友既婚禮上, 新娘致謝詞, 感激父母養育之恩. 外父回應: 不用多謝! 照顧和教養子女係我地應該做既事, 係天經地義. 我地做父母既責任就係一代轉一代, 希望下代比我地更好!

蝦仔媽咪聽到簡直是如雷貫耳!! 我們的上一代可能教育子女的形式不夠我們這一代父母 "多元化", 但可以肯定的是上一代的人是很用心, 用時間去教仔女~

我 知道現在外邊有太多幫助了, 有學校, 有興趣班, 有電視, 有internet... 然後我們開始忘記自己為人父母應有既責任. 啊~ 阿仔做事急燥, 去上功夫班啦! 他不懂與人溝通, 去上演講班! 他對人無禮貌, 去上禮貌班吧! 最後也是一事無成, 然後這些父母還會問, 是否阿仔本身有問題呀? 是不是那些興趣班不夠多,不夠好?

不如首先問自己, 你願意花幾多時間真正與子女相處, 陪他玩, 陪他傾計. 難道你認為興趣班的老師可以一個星期與你的孩子相處2個小時就可以教好他, 令他做事不衝動, 待人接物有禮貌?

教好子女是父母自己的責任. 是不能假手於人的!